السلام عليكم ورحمة الله وبركاته
اخباركم ياحلوييييييين
طبقنا لهذا اليوم هو >> المندي ياحبي له اموووت فيه وسهل ولا يبيله شي
طبعا يجي بلحم ويجي بدجاج ويجي بسمك اللي تحبونه كله يمشي
ترا سمك من عندي بس ماعندكم مشكله جربوه وشوفو ..
انا سويته بدجاج كالعاده لان الدجاج ما ياخذ وقت بسرعه عكس اللحم
اخر شي ببيض لكم ههههههههههههه
المهم نجي للمقادير وهي :
_ دجاجه حلوه ومقطعه ونظيفه وبملابسها لا تفصخونها .
_ حبه بصله مقطعه عادي مربعات مثلثات مستطيلات اللي يعجبكم.
_ بهارات ( هيل + قرفه + ماجي + كركم + ملح ) .بسسسسس
نحط الزيت والبصل في قدر ع النار ..
نخليه شوي مو يحمر ونضيف الدجاج والبهارات الا الكركم لا تحطونه مو الحين وقته ..
نخلي البصل والدجاج شوي مع بعض وبعدين نضيف المويه الحاره ..
ونتركه لين ما يستوي الدجاج اذا استوى نطلعه من القدر ونضيف الرز فوق المرق ..
في هالوقت نحط جمره على النار مو الجمر السريع لا الجمر الثاني اللي يخلص الغاز وهو باقي ماولع خخخ عرفتوه ...
نسكر عليه لين ما ينجح المهم في الوقت هذا نتبل الدجاجه وانا اسوي هذي الطريقه
(معجون طماطم + ملح + فلفل اسود + كركم+ زيت )
نخلطه مع بعض وندهن به الدجاج في الصينيه وندخله الفرن ونفتح عليه من فوق وتحت ..
نفتح ع الرز اذا كان استوى معنا ..بيطلع كذا
نفتح من كل جنب ونضيف كركم شوي نكرر الحركه في كل جهه مثل كذا ..
نحركه شوى والحين بيبدا الشغل الصح ناخذ زبديه صغيره ونحط داخلها زيت ونحطها وسط القدر بهالطريقه ..
والحين يجي دور الجمره اللي ولعناها من اول بس الحركه هذي يبغالك تكونين سريعه
شيلي الفحمه المولعه وحطيها فوق الزيت وغطي القدر على طوووووول عشان الدخان لا يطلع برا ... انا ما صورت الا الدخان مالحقت صراحه بإمكانكم انكم تحطون الدجاج داخل القدر لو تبون
حلو كذا وحلو كذا ..
اذا كان قدر عادي حطي فوقه النجر او اي شي ثقيل عشان الدخان لا يطلع ولو ضغط سكريه على طول المهم وحطو فوقه منشفه او غطوه باي شي عندكم عشان لا يبرد هههههههه
لا تفتحون عليه على طوول والله ما تستفيدون شي لازم يطول شوي عشان تمسك الريحه
ويطلع الطعم حلوووو
وصحه وهناا ياااارب ,,
ان شاء الله يكون اعجبكم اشوفكم في طبق اخر ان شاء الله
في حفظ الله
