النهاردة عاملالكو فطاركامل إن شاء الله يعجبكم
الفطور عبارة عن مكرونة +كفتة+بطاطس محمرة+سلاطة خضرة
مقادير المكرونة
نصف كيلو مكرونة عَقل صغيرة
سمن
عدد2طماطم متوسطة الحجم
2 قرن فلفل أخضر ( حامى أو بارد حسب الرغبة )
ملح+فلفل أسمر
الطريقة أولا هاتى حلة متوسطة و ضعيها على النار و ضعى السمن حتى تسخن جداُ ضيفى المكرونة ناشفة (غير مسلوقة ) قلبيها كل شوية حتى تحمر ( لون الشعرية )
و تكونى ضربتى الطماطم و الفلفل فى الخلاط
ضيفى الطماطم للمكرونة و قلبيها بسرعة حتى تتسبك قليلا
ضعى كمية من الماء بحيث تغطى المكرونة
ضيفى الملح و الفلفل
استنى لما تغلى و بعدين هدى النار شوية حتى تستوى
مقادير الكفتة
نصف كيلو لحم مفروم
2بصلة كبيرة
ملح و فلفل أسمر و توابل الكفتة
الطريقة
افرمى البصل جدا و ضعى عليه الملح و الفلفل و التوابل
ضيفى خليط البصل للحم و اخلطيها كويس جدا
احضرى ملعقة مطبخ ( خشب صغيرة )
ادهنى يد الملعقة زيت
هاتى جزء من اللحم ملئ اليد و الصقيها على يد الملعقة جيدا ( مثل كفتة السيخ )
انزعى الكفتة من على يد الملعقة و ضعيها فى صينية الفرن
حتى تنتهى الكمية ضعيها فى الفرن لمدة45 دقيقة
زينيها بالبقدونس
البطاطس المحمرة
طبعا انتى ست العارفين بتحمير البطاطس و كذلك السلطة الخضرا
مش كدة ولا إيه ؟
و بالهنا و الشفاااااااااااااااااااااااااا
