تورته بيتي تجنن

أولا : عملت كيكة اسفنجية عادية جدااا

ثانياً : عملت الكريم شانتيه زي ما مكتوب على العبوة بالخطوات وحطيتها في اول رف تحت الفريزر

ثالثا :طلعت الكومبوت من الثلاجة ن ولو ما عندكيش كومبوت ممن اوي فاكهه او ممكن تكتفي بالكريمة او صوص الشيكولاته في نصف التورتةاو بالمكسرات زي ما تحبي

رابعا :عملت صوص الشيكولاته الأكثر من روعة وحطيته في التلاجة
وده عرفته من فتوكة اسمها وعد الجنة هنا في المنتدى وده الرابط بتاعه
صلصة شيكولاته لتزيين التورتة على ضمنتى

بس انا زودت الزبدة شوية وحطيت الفانيلا في الآخر قبل ما اطفي النار
عشان ما يمررش الصوص

و مقادير الكيكة :
اهه عشان لو أي فتوكة لسه جديدة في الكيك والتورت تعرفها :
2ونصف ك دقيق (نصف المقدار دقيق ابيض ونصفها دقيق أسمر)طبعا ليكي الخيار انك تعمليها كلها بالدقيق الأبيض او نص ونص زيي، انا بصراحة بحب الدقيق الأسمر للفوايد الرائعة بتاعته
1 كوب وربع سكر
6 بيضات
معلقة كبيرة بيكنج باودر
ورشة فانيليا حوالي نصف معلقة صغيرة حسب نوع الفانيلا

الطريقة :

نضرب البيض والسكر والفانيليا كويس جداا بالمضرب لغاية ما يبقى الخليط هش ولونه سكري
ونضيف الدقيق حبه حبه ونقلب بمعلقة خشب عشان الهوا ما يطلعش من الكيكة طبعا مع البيكنج باودر
ونبطن صينية بالسمنة وعليها رشة دقيق كلها بالجوانب
ونضع خليط الكيك ونسويها في الفرن وما نفتحش قبل مرور تلت ساعة عليه عشان ما الكيكة ما تهبطش، ونطلعها نسيبها تبرد

ونقسمها نصفين

ونسقي النصفين بالشربات بتاع الكومبوت

نحط على النصف الأساسي القاعدة بتاعت الكيكة كريمة ونوزعها كويس

وبعدين نحط الفواكه المشكلة بتاعت الكومبوت وعليهم فستق او بندق اي مكسرات عندك، انا حطيت على الكومبوت فستق

وبعدين حطيت الطبقة التانية بتاعت الكيكة عليها برفق جداا وغطيتها بكريمة الشيكولاته

وحطيت على جوانب التورتة بالراحة فستق مطحون

وبعدين زوقتها

ودي شكلها لما قطعت منها قطعة

والحتة دي لأول فتووووكة هتشاركني

على فكرة نسيت اقولكم ان بقيت الكريمة خلطتها الكريمة البيضا مع كريمة الشيكولاته وعملتها آيس كريم

ويارب تعجبكم

اللي تعجبها التورتة بجد لا تتردد في تنفيذها ولو وقفت معاها أي حاجة تقولي على طول

ما تنسوش التقييم إذا عجبتكم